Buongiorno

 

Buongiorno 'o sole 'ncielo che è spuntato
e ha stutat' tutt'e luci de lampiun'e sta città,
buongiorno 'o vicchiariello co 'o bastone
ca se va a piglià 'a pensione ma se stanca e cammenà,
buongiorno a tutt'e mamme de' quartiere
ca 'e criature for'a scola già so ghiute accumpagnà,
buongiorno pure a te parcheggiatore
ca cercann mille lire dice rice ca te può fermà.
 

Buongiorno a tutte 'e gente de spitale
'e dutture e l'infermiere ca ce aiutano a campà,
buongiorno a tutte quante 'e carcerati
ca 'e l'unnece 'a matina già hanno mise a cucenà,
buongiorno a chi sta dint'addò 'o barbiere
ca parlann' do pallone nun po' sta cchiù in serie B,
buongiorno a tutta 'a giunta comunale
Bassolino e l'assessore e a chi 'o sciopero vo fa.
 

Tutte 'e napulitane vulimmece cchiù bene,
stennimmece na mano
ca nun ce sta nisciuno carnale comme a nuie,
e cammenamm'appere pe viche de quartiere
e quann' ce sta 'o sole purtammece 'e criature
pe 'a villa comunale, comme a tant'anne fa.
 

Buongiorno a tutte 'e radio ca 'a matina
fanno sentere 'e canzone dint'e case 'e sta città,
buongiorno pure a tutte 'e nnammurate
ca se songhe appiccecate e mo pace vonn' fa,
buongiorno pure 'o prevete da Chiesa
ca ogni cosa ca succede po' ne parla cu Gesù,
buongiono pure a chi sta 'mparavis' nziem'e
'e Sante è ghiute 'e casa e ciadda sempe accumpagnà.
 

Tutte 'e napulitane vulimmece cchiù bene,
stennimmece na mano
ca nun ce sta nisciuno carnale comme a nuie,
e cammenamm'appere pe viche de quartiere
e quann' ce sta 'o sole purtammece 'e criature
pe 'a villa comunale, comme a tant'anne fa!