Stelletè

Na 'nnammurata che fa, pe vedè 'o 'nnammurato
che torna ca voglia 'e campà,
e so chiure int'a casa nu mese pe nun'o fa ascì,
po' le dice 'e parole cchiù ddoce si 'o vere 'e suffrì,
e se vò appiccecà quanno vene 'a bussà nu cumpagno ca dint'all'inferno 'o vuless' purtà.
Na 'nnammurata accussì, quann' vere che ormai ce l'ha
fatt' a nun farlo murì
n'ata vota pur'essa ce crere ch'esiste Gesù,
foss' pront' a scummettere 'a vita ca nun'o fa cchiù,
si ritorna a truccà e accumencia a accattà tutt'e cose che servono a chi se vuless' spusà.
 

Quatt’anne fa
cu chillu llà man' int'e mane passav'a ccà
senza sapè ca stev' già spennenno 'e sorde pe nun campà
Io nun tenevo 'a forza 'e cio raccuntà,
pecchè int'o core già stev'e casa cu chillù llà
Era bella sta guagliuncella, forse 'a cchiù bella da 'a
Sanità,
'a chiammavano "Stelletella" ca brillava quatt’anne
fa.
Comme se fa' pe cio spiegà che 'o 'nnammurato nun
po' cagnà,
pe so spusà doppo a Gesù duje core 'e argient' le vò
purtà.
Quanta preghiere ha fatto po 'o fa' cagnà,
ma nun'o sape comm'è 'o destino pe chilli llà.
Era bella sta guagliuncella,
quanta cose ha saputo fa,
pure Dio mo pe "Stelletella" vò salvà 'a chillo p'o fa' spusà.
 

Io nun tenevo 'a forza 'e cio raccuntà,
pecchè int'o core già stev'e casa cu chillù llà
Era bella sta guagliuncella, forse 'a cchiù bella da 'a
Sanità,
'a chiammavano "Stelletella" ca brillava quatt’anne
fa.
Comme se fa' pe cio spiegà che 'o 'nnammurato nun
po' cagnà,
pe so spusà doppo a Gesù duje core 'e argient' le vò
purtà.
Quanta preghiere ha fatto po 'o fa' cagnà,
ma nun'o sape comm'è 'o destino pe chilli llà.
Era bella sta guagliuncella,
quanta cose ha saputo fa,
pure Dio mo pe Stelletella vò salvà 'a chillo p'o fa' spusà.
 

Na 'nnammurata che fa, pe vedè 'o 'nnammurato che torna
ca 'a voglia 'e campà.
Pure tu si t'e mis' a fa' ammore cu chi vo’ murì,
nun t'arrenne e a notte vicino cu 'tte addà durmì...
Si tu pure ‘o vuo’ fa, sta canzon’e cantà
e chissà si e parole te rann’o curaggio ro fa!
 

Stelletè!