Cumpagna Mia

Si ce stiss'ancora tu,
forse nun sbagliasse cchiù,
tu ca me facive vencere sulamente pe me accuntentà
Mo ca tu nun ce staje cchiù n'attimo è n'eternità,
priestammella tu na lacrima dint'a st'uocchie nun ne tengo cchiù.
 

Si tenesse a ttè,
chistu core fatt'e mille piezz' te dicesse “Accuonceme!”
Si tenesse a ttè
io truvasse nu filill'e voce pe turn’a cantà
 

Quanta bucie…
Sto raccuntann'a gente ca si ancor’a mia,
e nun te fa vedè cu chillo miez'a via
pecchè nun te ne cacci'a dint'o core mio.
Cumpagna mia,
è sulament'a toja chesta canzone mia,
a scrivere 'na mano me l'ha data Dio
'a primma storia ver'e chesta vita mia.
 

Che te po' custà,
pigli'a terra chistu cor’a piezz'e cu nu vas'azziccalo
 

Che ce pozz' fa,
si sta voce rott'a nu singhiozzo nun me fa cantà.
 

Quanta bucie…
Sto raccuntann'a gente ca si ancor’a mia,
e nun te fa vedè cu chillo miez'a via
pecchè nun te ne cacci'a dint'o core mio.
Cumpagna mia,
è sulament'a toja chesta canzone mia,
a scrivere 'na mano me l'ha data Dio
'a primma storia ver'e chesta vita mia.
 

Comme so scemo ca te penso ancora
e sto male ca nun saccio addò staje, che faje…
Si scinne tu sol'a f'a spesa, statt'accort miez'a via!
Comme fa friddo stasera:
nun te vestì liggera che pigli subit'o raffreddore e si staje malata chi a
ten'a pacienz'e sta vicin’a ttè comm facev'io…
Comme so scemo ca te voglio bene ancora, t'ho scrivo sempe pure
int'e canzoni…
 

T'aggi’accattato pure 'o regalo pe Natale…
Comm' si tu stisse ancora cà! Comme so scemo, ammore mio!