E’ Sulo Niente

Figli da primma vota,
io me ne moro
caren’e penziere tutt'e sere.
Lassano nu ricord'e sper'ancora,
ca m'accarizz'a faccia e io respire

Niente, è sulo niente chesta vita,
sonn'e faccio finta e te sunnà

Te cerco sempe pe miez'e cose e nun te truovo maje,
pe vicarielli stritt'e senza sole,
quando pa mano me purtav'a scola.
Te chiammo sempe dint'e mumenti brutt'e chesta vita,
quando pur'io me sento abbandunato,
p'avè 'o curaggie ca me rivi tu.

Nasce nu chiaro 'ncielo e 'a notte more,
te cerco int'e poesie, te scriv'ancora,
tu m'accumpagn'a casa tutt'e sere,
e miez'e scale po’ me vas'ancora.

Niente, è sulo niente chesta vita,
niente pecchè nun teng'a te mammà!

Te cerco sempe pe miez'e cose e nun te truovo maje,
pe vicarielli stritt'e senza sole,
quando pa mano me purtav'a scola.
Te chiammo sempe dint'e mumenti brutt'e chesta vita,
quando pur'io me sento abbandunato,
p'avè 'o curaggie ca me rivi tu.

Te chiammo sempe dint'e mumenti brutt'e chesta vita,
quando pur'io me sento abbandunato,

p'avè 'o curaggie ca me rivi tu!